ملک وچ 33 احساس نشو نما مراکز قایم کر رہے آں: ثانیہ نشتر ……٭رویل نیوز٭

اسلام آباد (بیورو رپورٹ) وزیراعظم دی معاون خصوصی برائے سماجی تحفظ ڈاکٹر ثانیہ نشتر نے کہای اے کہ ملک دے 9 ضلعیاں وچ 33 احساس نشو نما مراکز قایم کیتے جا رہے نیں۔ اپنے اِک بیان وچ ثانیہ نشتر نے دَسیا کہ ضلع دیر بالا وچ پہلا احساس نشو نما مرکز قایم کر دِتا گیا اے‘ دیر بالا وچ 6 نشو نما مراکز کھولے جان گے۔ وزیراعظم چھیتی احساس نشو نما پروگرام دا باقاعدا اجرا کرن گے‘ نشو نما مرکز اُتے سوانیاں تے اوہناں دے بچیاں نُوں سہولتاں فراہم کیتیاں جان گیاں۔ ثانیہ نشتر نے دَسیا کہ نشو نما مرکز اُتے طبی‘ صحت بخش غذا تے ہور سہولتاں دِتیاں جان گیاں‘ لوکائی نُوں نشو نما وظایف دی باسہولت ترسیل یقینی بناواں گے۔ معاون خصوصی نے کہیا کہ ہر نشو نما مرکز اُتے اے ٹی ایم وی نصب کیتے جا رہے نیں۔