پیارا پاکستان ـــــ نظم ـــ ٭رویل٭

کیہ کیہ دساں کیہ کیہ قسمے ہویا نہیں قربان

ایڈا سوکھا تے نہیں بنیا یارو پاکستان

ایہدی نِیہ وچ لہو اے بھلیو ساڈے پرکھاں دا

تاہیوں کہناواں ایہ ساڈی اے جند جان

میں کہناواں ایہدی دھرتی جنتاں ورگی یار

کُل عالم تے لوکوں بھاویں مار لوو دھیان

دیس میرے تے کرم اےسوہنے رب دا ایسے لئی

ایہدا سبز ہلالی پرچم رکھے وکھری شان

میلی اکھیں جیکر تکن ویری ایہدے ول

سینا تان کھلوندے ایہدے گھبروں شیر جوان

میری تے دعا اے ایہو جگ جگ مانن سُکھ

ایہدے چارے صوبے سندھ، سرحد، پنجاب، بلوچستان

ایہدا کھا کے کیوں نہ گاواں دم دم ایہدے گیت

اہدے نال اے نجمیؔ میری جگ دے وچ سیہا ن