ایم ایل ون منصوبے نال سماجی تے معاشی ترقی دا نواں باب روشن ہووے گا:وزیراعظم عمران خان ……٭رویل نیوز٭

‘ اسلام آباد (نمایندا رویل) وزیراعظم عمران خان نے کہیا اے کہ ایم ایل ون منصوبا سی پیک دا سبھ توں اہم تے کلیدی منصوبا اے‘ ایم ایل ون منصوبے نال سماجی تے معاشی ترقی دا نواں باب روشن ہووے گا‘ ایم ایل ون منصوبے نال لوکائی نُوں سفر تے مال برادری دیاں چنگیاں سہولتاں ملن گیاں۔ وزیراعظم آفس دے میڈیا ونگ توں جاری بیان دے مطابق ایہناں خیالاں دا اظہار اوہناں نے اپن صدارت ہیٹھ ایم ایل ون (مین لائن ون) منصوبے دے حوالے توں اجلاس نال خطاب کردیاں ہویاں کیتا۔ اجلاس وچ ایم ایل ون (مین لاین ون) منصوبے دے حوالے توں بریفنگ دِتی گئی۔ اجلاس وچ وزیر ریلوے شیخ رشید‘ اسد عمر‘ عبدالحفیظ شیخ‘ چیئرمین سی پیک اتھارٹی تے معاون خصوصی لیفٹیننٹ جنرل (ر) عاصم سلیم باجوا تے سینئر افسراں رلت کیتی۔ اجلاس وچ وزیراعظم عمران خان نے کہیا کہ ایم ایل ون منصوبا سی پیک دا سبھ توں اہم تے کلیدی منصوبا اے‘ ایم ایل ون منصوبے نال نہ صرف ریلوے دا نظام جدید تے مضبوط ہووے گا سگو ایس منصوبے نال ہنر منداں تے تربیت یافتا بندیاں لئی نوکریاں دے ہزاراں موقع پیدا ہون گے تے صنعی عمل نُوں فروغ ملے گا۔ اوہناں ن کہیا کہ ایم ایل ون منصوبے نال لوکائی نُوں سفر تے مال برادری دیاں چنگیاں سہولتاں ملن گیاں۔ ایم ایل ون منصوبے نال کاروباری برادری لئی جتھے کاروبار وچ آسانیاں پیدا ہون گیاں اوتھے کاروباری لاگت وچ واضح گھاٹواقع ہووے گی۔ وزیراعظم نے کہیا کہ ایم ایل ون منصوبے نال سماجی تے معاشی ترقی دا نواں باب روشن ہووے گا۔ ترقیاتی منصوبیاں دیاں ترجیحاں دے تعین وچ ساڈے پیش نظر لوکائی دی فلاح و بہبود تے ملک دی ترقی اے۔ایس توں وکھ وزیراعظم دی صدارت ہیٹھ ترسیلات زر تے ملکی زرمبادلا دے ذخایر وچ وادھے دے حوالے توں اجلاس ہویا جہدے وچ ترسیلات زر تے ملکی زرمبادلا دے ذخایر وچ ہور وادھے لئی تجویزا ں اُتے غور کیتا گیا۔ وزیراعظم نے جولائی 2020 وچ بیرون ملک توں گھلے جان والے ترسیلات زر وچ وادھے اُتے اطمینان دا اظہار کیتا تے کہیا کہ ترسیلات زر بارے بیرون ملک پاکستانیاں نُوں ہر ممکن سہولت فراہم کرنا حکومت دی ترجیح اے۔