قوم دی لُٹی دولت واپس پرتان دے سوا کوئی چارا نہیں: مراد سعید  ……٭رویل نیوز٭

اسلام آباد (نمایندا رویل) وفاقی وزیر مواصلات مراد سعید نے پیپلز پارٹی دے چیئرمین بلاول بھٹو زرداری دی پریس کانفرنس د ے رد عمل وچ کہیا اے کہ پہلے دن توں کَہ رہے آں کہ اوہناں دی سیاست دا محور صرف اپنی چوری بچانا اے‘ بلوایا چوری دا حساب دین لئی جاندا اے ایہ کارکناں نُوں ڈھال بنا کے اداریاں نُوں دھمکان آندے نیں‘ کرپشن تے چوری وچ ایہناں دے اتحادی شریفاں نُوں بلوایا جاندا اے تے اوہ اداریاں اُتے حملے کردے نیں‘ سیاسی بحث و مباحثے دا فورم پارلیمنٹ اے‘ اوتھوں ایہ نَس جاندے نیں‘ پرچی چیئرمین نُوں کئی وار ٹی وی اُتے مباحثے دی وی دعوت دے چکے آں‘ اوتھے گلبات دی وی ایہناں وچ ہمت نہیں‘ قوم شریفاں‘ زرداریاں توں پچھے گئے سوالاں وچ دلچسپی اے۔