کرونا وایرس نال617ہور شکار…… ٭رویل نیوز٭

اسلام آباد (نمایندا رویل) عالمی وباء کرونا وایرس دے کارن پاکستان وچ ہور 617 کیسز تے 15 مَوتاں رپورٹ ہوئیاں نیں جد کہ 13 ہزار 633 روگی مختلف ہسپتالاں وچ علاج ہیٹھ نیں۔ انٹرنیشنل کمانڈ اینڈ اپریشن سینٹر دے مطابق ملک وچ مَوتاں دی مجموعی گنتی 6 ہزار 190 ہو گئی اے جد کہ 2 لکھ 89 ہزار 832 بندیاں وچ کرونا دی تشخیص ہوئی۔ سندھ وچ 1 لکھ 26 ہزار 425 کرونا کیس ساہمنے آ چکے نیں جد کہ پنجاب وچ 95 ہزار 447 روگی ساہمنے آئے نیں۔دوجے پاسے چینی سرکاری دوا بناون وا؛یکمپنی دا کہنا اے کہ اوہدی کرونا وایرس دی ویکسین چالو ورھےدے اخیرتک مارکیٹ وچ دستیاب ہووے گی۔ سینوفارم دے چیئرمین لیوجینگ زین نے کہیا کہ ایس ویکسین اُتے 1 ہزار یوآن توں وی گھٹ لاگت آئے گی تے ایہنوں 28 دن دے علاوا 2 شاٹس وچ دِتا جاوے گا۔ اوہناں نے کہیا کہ وڈے شہراں وچ پڑھیار تے کارکناں نُوں ایہ ویکسین لین دی لوڑ پوے گی‘ پر بہت گھٹ آبادی والے پینڈو علاقیاں وچ رہن والیاں نُوں نہیں۔ اوہناں نے کہیا کہ ساڈے ملک وچ 1.4 بلین بندیاں وِچوں ساریاں نُوں ایہ لین دی لوڑ نہیں اے۔