ورودھی  پارٹی دے لوک بزدار نُوں وزیر اعلا نہیں ویکھنا چاہندے:  فیاض الحسن چوہان  ……٭رویل نیوز٭

لاہور (نمایندا رویل) وزیر اطلاعات پنجاب فیاض الحسن چوہان نے کہیا اے کہ ورودھی عثمان بزدار نُوں وزیر اعلا دے طور اُتے نہیں ویکھنا چاہندے۔ عثمان بزدار دے جان دی خبر ہر دن چلدی رہی پر 2 سال ہو گئے‘ عثمان بزدار حالے تک پنجاب وچ خدمتاں سر انجام دے رہے نیں۔ نجی ٹی وی نال گلبات کردیاں ہویاں اوہناں نے کہیا کہ مخالفین عثمان بزدار نُوں وزیر اعلا دے طور اُتے نہیں ویکھنا چاہندے جد کہ وزیراعظم نے پچھلے دن اپنے انٹرویو وچ عثمان بزدار دی کمکاری دی تعریف کیتی۔ فیاض الحسن چوہان نے کہیا کہ اسیں سارے اداریاں دا آدر کردے آں تے قومی احتساب بیورو (نیب) دے معاملات وچ وفاق وگاڑ نہیں کردا‘ وزیر اعلا عثمان بزدار شراب کیس وچ ملزم نیں تے نہ ای مجرم۔