سوشانت تے سارہ خان دے تعلقات دا انکشاف،دوویں اک دوجے نال پیار کردے سن: سیموئل ہاکیپ ……٭رویل نیوز٭

لاہور (نیوز ڈیسک) آنجہانی بھارتی فلمی ہیرو سوشانت سنگھ راجپوت دے سنگی سیموئل ہاکیپ نے انکشاف کیتا اے کہ سوشانت تے بھارتی اداکارا سارہ علی خان اِک دوجے نال پیار کردے سن جد کہ سارہ علی خان نے سوشانت دی فلم فلاپ ہون اُتے اوہناں نُوں چھڈ دِتا سی۔ بھارتی اداکار سوشانت سنگھ راجپوت دی خُد کشی دے بعد آئے دن نویں انکشافات تے الزامات ساہمنے آ رہے نیں‘ حال ای وچ سوشانت سنگھ دے اِک سنگی سیموئل ہاکیپ نے اپنے انسٹا گرام اکاؤنٹ اُتے اِک پوسٹ شیئر کیتی جہدے وچ اوہناں نے اپنے سنگی سوشانت بارے انکشافات کیتے نیں۔ ایس انکشاف دے رد عمل وچ کنگنا نے کہیا کہ سارہ تے سوشانت دے تعلق دیاں خبراں تے پورے میڈیا وچ کھلریاں ہوئیاں سن‘ اوہ دوویں آؤٹ ڈور شوٹنگ دے دوران وی اِک ای کمرے وچ رہندے ہوندے سن۔‘