اداکار سنجے دت دی کینسر نال جنگ سخت ہووے گی، علاج ممبئی دے ہسپتال وچ شروع: مانیتا دَت……٭رویل نیوز٭

لاہور (نیوز ڈیسک) پھیپھڑیاں دے کینسر دا شکار بالی ووڈ اداکار سنجے دَت دی گھروالی مانیتا دَت نے دَسیا کہ اوہناں دے خاوند دا علاج ممبئی دے ہسپتال وچ شروع ہو گیا اے‘ سنجے دَت دی کینسر نال جنگ سخت ہووے گی۔ بھارتی میڈیا رپورٹاں مطابق مانیتا دَت نے اپنے بیان وچ دَسیا کہ سنجے دت دا علاج ممبئی دے کوکیلا بھین ہسپتال وچ جاری ا۔ مانیتا دَت نے سنجے دت دے سارے مداحاں تے خیر خواہاں دی سپورٹ دا شکریا ادا کردیاں ہویاں کہیا کہ سنجو دی زندگی وچ بہت سارے لاہ چڑھا آئے پر تہاڈی حوصلا افزائی تے تعاون دی مدد نال ہر مشکل مرحلا پار کیتا تے ایہدے لئی اسیں ہمیشا تہاڈے شکر گزار رہواں گے۔ اوہناں نے کہیا کہ ایس ویلے ساڈی فیملی نُوں اِک ہور چیلنج درپیش اے تے میں جاندی آں کہ مداحاں دی محبت تے سپورٹ دی بدولت سنجے دت ایہ مشکل ویلا وی لنگھا دین گے۔