kraamaat@gmail.com
+ +92 333-430-6384


واج دی موت اُتے ــــ نظم ـــ٭رویل٭


طاہر سندھو August 24, 2020


واج دی پھوڑی بیٹھے

رُتاں دے اوتار

مکانیں اتھرو کیرن

باراں دے سردار

چُپ نے جبھاں گالیاں

چُپ نے تالُو پچھے

واج دی سُونہہ چ نکلے

کناں پینڈے کچھے

واجاں مارن والیا

دُ ھپ نوں گلمے لا

چڑھ کے عرش دی ہک تے

چپ دا شور مچا

واجاں دبن والیو

ایہ کدے نہیں مریاں

رُت جہڑی وی ہووے

رہن صدائیں ہریاں

واج دی پھوڑی بیٹھے

رُتاں دے اوتار

مکانیں اتھرو کیرن

باراں دے سردار

٭٭٭٭٭