سوشانت دی پوسٹمارٹم رپورٹ وچ گڑبڑ اے: وکیل وکاس ……٭رویل نیوز٭

لاہور (نیوز ڈیسک) خُد کشی کرن والے بالی ووڈ دے نوجوان اداکار سوشانت سنگھ راجپوت کیس وچ مسلسل نویں انکشافات ساہمنے آ رہے نیں جد کہ سی بی آئی ہر پہلو نال ایس معاملے دی تحقیقات کرن وچ لگی ہوئی اے۔ پچھلے دن سی بی آئی ولوں سوشانت دی پوسٹمارٹم رپورٹی جاری کیتی گئی اے۔ بھارتی میڈیا رپورٹاں مطابق سوشانت سنگھ خُد کشی معاملے دی تحقیقات سی بی آئی نے شروع کر دِتی اے‘ ایسے دوران پچھلے دن سوشانت دی 7 صفحیاں اُتے شتمل پوسٹمارٹم رپورٹ ساہمنے آئی اے‘ جو کہ پنج ڈاکٹراں دی ٹیم نے لکھی اے۔ ایس حوالے توں سوشانت دے والد دے وکیل وکاس سنگھ دا کہنا اے کہ رپورٹ وچ اوہناں دی مَوت دا ویلا کیوں نہیں درج اے؟‘ ایہ رپورٹ دا سبھ توں اہم حصا ہوندا اے‘ اوہناں نے مَوت توں پہلے جوس تے ناریل دا پانی پیتا سی‘ پر سوشانت دی پوسٹمارٹم رپورٹ وچ ایہدا کوئی ذکر نہیں اے جد کہ جوس تے ناریل پانی تے اوہناں دے ڈِھڈ وچ ہووے گا۔ وکیل وکاس سنگھ نے دعوا کیتا اے کہ سوشانت دی پوسٹمارٹم رپورٹ وچ کجھ گڑبڑ اے‘ اوہناں دے کمرے و چ کوئی ٹول یاں ٹیبل نہیں سی تے کویں اوہناں نے خُد کشی کرلئی۔