kraamaat@gmail.com
+ +92 333-430-6384


شہادت امام حسینؓ ــــــ٭رویل٭


سلیم نجمی August 25, 2020


جگوں وکھری اے عبادت حسینؓ دی

نیزے تے کرنی تلاوت حسینؓ دی

یزید اگے کدے سر نہیں جھکانا

دیندی اے سبق شہادت حسینؓ دی

جھنڈا کر گئی اچیرا ویکھ دین دا

کیتی کفر نال بغاوت حسینؓ دی

یزید کل وی جھوٹا اج وی جھوٹا

ویکھ کر نہیں گئی صداقت حسینؓ دی

سارا کنبہ کوہایا نانے دے دین توں

ویکھ کر بلا وچ سخاوت حسینؓ دی

حُر چھڈیا سی ویکھ کے سنگ کُفر دا

جنت لے جاوے گئی امامت حسینؓ دی

گل حق دی ہووے نجمیؔ جان دیویں

ایہ دس گئی سانوں شجاعت حسینؓ دی

٭٭٭٭٭