kraamaat@gmail.com
+ +92 333-430-6384


ڈیوڑھیاں ــــ ٭رویل٭


ثانیہ شیخ September 01, 2020


ڈاڈھے دے سنگ یاری لائی،ہتھ نہ پہنچے میرا

مٹھڑا وسّے اُچیرا

تیری اکھ دا چانن پی کے

سینے لیا لکو

ہن تے وکھ نہ ہو

پیت تیری دا ٹکا لایا،یاد دی جھانجھر پائی

نچاں وانگ شدائی

اتھرو اندر کردے جاون بلدی جاوے اگ

ہور نہ آکھے لگ

دس پویں جے ماہیا کھڑ پون گے ہاسے

ونڈاں رج پتاسے

بُھکھے ڈِھڈ توں پُچھ کے ویکھو،ٹُکر سبھ دا مولا

ایہی سارا رولا

آ جا گھر نوں مڑ آۓ نے سبھ پنچھی سبھ کامے

سیّاں دین اُلاہمے

سبھ دے لیکھ سوّلے کردے ،مالک چُنیاں رنگ

تیتھوں ایہی منگ