کنگنا دا رنویر تے رنبیر دے ڈرگ ٹیسٹ کرون دی منگ ……٭رویل نیوز٭

لاہور (نیوز ڈیسک) معروف بھارتی اداکارا کنگنا رناونت نے اداکار رنویر سنگھ تے رنبیر کپور اُتے الزام لایا اے کہ اوہ منشیات دا استعمال کردے نیں‘ ایہدے نال ای اداکارا نے اوہناں نُوں جواب دین دا وی مطالبا کر دِتا اے۔ بالی ووڈ اداکار سشانت سنگھ راجپوت دی خُد کشی دے بعد توں سکینڈل وچ گھرے رہن والی اداکارا کنگنا رناوت ولوں نویں نویں انکشافات ساہمنے آ رہے نیں۔ سماجی رابطے دی ویب سائٹ ٹویٹر اُتے اداکارا کنگنا رناوت نے اِک ٹویٹ کیتا اے جہدے وچ اوہناں نے کہیا کہ ’میں رنویر سنگھ‘ رنبیر کپور‘ مکر جی تے وکی کوشک توں درخخاست کردی آں کہ اوہ منشیات دے ٹیسٹ لئی اپنے خون دے نمونے دین۔‘ اداکارا نے لکھیا کہ افواہاں گردش کر رہیاں نیں کہ ایہ چارے کوکین دے عادی نیں جد کہ میں چاہندی آں کہ ایہ چارے ٹیسٹ کروا کے اپنی صاف رپورٹ پیش کر کے ایہناں افواہاں دی تردید کرن۔