مشرف خلاف سنگین غداری کیس:فیصلا رُ کوان لئی درخاستاں

اسلام آباد(رویل نیوز)وزارت داخلا و سابق آرمی چیف جنرل (ر) پرویز مشرف نے سنگین غداری کیس وچ اُچیچی عدالت دے ممکنا فیصلے نوں اسلام آباد ہائی کورٹ وچ چیلنج کر دتا گیا اے۔حکومت تے پرویز مشرف دے وکیل نے اسلام آباد ہائی کورٹ وچ وکھ وکھ درخاستاں جمع کرائیاں ، جہناں وچ بینتی کیتی گئی اے کہ اُچیچی عدالت نوں 28نومبر نوں سنگین غداری کیس دا فیصلا سُنان توں ڈکیا جائے۔پرویز مشرف دے وکیل سلمان صفدر نے درخاست جمع کروائی، جہدے وچ آکھیا گیا اے کہ سنگین غداری کیس وچ پرویز مشرف نال قانون دے مطابق برتاؤ کیتا جائے،میرے موکل نوں کیس وچ دفاع کرن دے حق توں محروم کیتا گیا اے