کرونا ویکسین دا منفی اثر ساہمنے آگیا،تیاری توں ڈک دتا گیا ……٭رویل نیوز٭

لندن (نیوز ڈیسک) کرونا ویکسین دے استعمال نال نامعلوم بیماری دا جنم ہون اُتے ٹرایل تے ہورویکسین تیار کرن توںروکن دا اعلان کر دِتا گیا۔ غیر ملکی خبر رساں ادارے مطابق آکسفورڈ یونیورسٹی دے نال سانجھے طور اُتے کرونا ویکسین تیار کرن والی برطا نوی کمپنی نے حفاظتی اقدامات دے پیش نظر ویکسین دے ٹرایل نُوں روکن دا اعلان کر دِتا اے۔ ممکنا کرونا ویکسین دے ٹرایل وچ رلتی رضا کاراں وچ دوا دا منفی اثر ساہمنے آیا تے نامعلوم بیماری نے جنم لیا اے۔ منفی رد عمل کیوں تے کدوں ہویا ایہدا حالے پتا نہیں لگ سکیا۔ کمپنی دے ترجمان نے کہیا کہ ایہ اِک معمول دی کارروائی اے‘ وڈے ٹرائلز وچ بیماری دا آ جانا ممکن اے پر ایہدا ازادانا طور اُتے جایزا لینا ضروری اے۔دوجے پاسے پاکستان وچ 24 گھنٹیاں وچ کرونا دے ہور 9 روگی چلانا کر گئے جد کہ 426 نویں کیسز ساہمنے آئے نیں۔ پاکستان وچ کرونا ویرس توں 2 لکھ 86 ہزار 506 روگی صحت یاب ہو چکے نیں تے 6 ہزار 794 ایکٹیو کیسز رہ گئے نیں۔

www.rvel.org