سبسڈی دا مقصد  ماڑے لوکاں دی اے ،ایتھے طاقتور سبسڈی لے رہے نیں:وزیراعظم عمران خان ……٭رویل نیوز٭

اسلام آباد (نیوز ڈیسک) وزیراعظم عمران خان نے کہیا اے کہ سبسڈی دا مقصد غریب لوکائی نُوں اُتے لیانا اے پر ایتھے طاقتور لوک سبسڈی لے رہے نیں۔ سردیاں وچ ہمیشا گیس دے بحران دا ساہمنا ہوندا اے تے اگلے سال وی ایہ چیلنجز درپیش ہون گے‘ باہروں گیس لیا کے ویچ ای نہیں سکدے‘ سانوں سبسدی دی مد وچ جہڑا فایدا ہوندا اے اوہ ساڈے قرضیاں اُتے چلا جاندا اے‘ امید اے اسیں گیس دی پیداوار وچ کامیاب ہوواں گے‘ توانائی دا بحران نہ ہوندا جے اسیں معاملات نُوں بحث ہیٹھ لیاندے‘ بدقسمتی نال کدی قومی مسئلیاں اُتے گل ای نہیں کیتی گئی۔ وفاق صوبیاں نُوں باسط دے مطابق فنڈز دیندا اے‘ چین دی معیشت تے اداریاں وچ کامیابی دا رزا میرٹ اے‘ چین 20 سالا لمے مدتی منصوبے بنا ندا اے‘ پاکستان وچ بے پناہ وسایل نیں پر ایہدے اُتے کم لئی ماضی وچ سوچیا ای نہیں گیا‘ چین دی ودھدی ہوئی معیشت دا راز نظام دی مضبوطی اے۔ بدھ والے دن پٹرولیم ڈویژن دے اہتمام ہیٹھ گیس دے مسئلیاں اُتے سیمینار نال خطاب کردیاں ہویاں عمران خان نے کہیا کہ سبسڈی دا مقصد غریب لوکاں دی مدد ہوندا اے پر ایتھے سبسڈی اوہ لوک لے رہے نیں جہڑے پہلے توں بہت طاقتور نیں‘ وفاق اونا ای پیسا صوبیاں نُوں گھل سکدا اے‘ جنا ٹیکس جمع ہوندا اے‘ ماضی وچ ویلے سر فیصلے نہ ہون نال صنعتاں اُتے بھار پیا‘ قومی مفادا دا تحفظ نہیں کراں گے تے صوبائی مفاد وی بیکار ہو جان گے‘ میں وی ایل پی جی گیس استعمال کردا آں۔ وزیراعظم عمران خان نے کہیا کہ کسے وی جمہوری ملک دی لوکائی نُوں مسئلیاں تے چیلنجز دا پتا ہوندا اے‘ ساڈی انڈسٹری اج مشکل وچ اے‘ بجلی دی پیدوار بارے بہت پہلے سوچنا چاہیدا سی‘ 40ورھے پہلے سوچیا جاندا تے لوکائی اُتے مہنگی بجلی دا بھار نہ پیندا‘ اسیں 17 رُپئے فی یونٹ بجی پیدا کر رہے آں تے 14 رُپئے وچ ویچ رہے آں‘ ایل پی جی دی پیداواری لاگت 4 فیصد بُہتی اے‘ سبسڈی دا مقصد غریب لوکائی لئی اسانی پیدا کرنا اے‘ سبسڈی توں ہمیشا فایدا طاقتور نے ای چُکیا۔ وزیراعظم عمران خان نے سیمینار وچ اگلے دے لائحے عمل بارے بحث و مباحثے نُوں مؤثر متھدیاں ہویاں آئی پی پی دے نال نویں سریوں معاہدے نُوں خُش آیند متھ دِتا تے کہیا کہ میں ایہناں دا شکر گزار آں تے اگلے ہفتے لوکائی نُوں ذکر کیتے معاہدیاں دی تفصیل پیش کیتی جاوے گی جہدے نال اندازا ہووے گا کہ نویں معاہدے دے تحت اوہناں اُتے کنا گھٹ بھار پوے گا۔ اپنی گل جاری رکھدیاں ہویاں عمران خان نے ہور کہیا کہ پن بجلی دی پیداور وچ وادھے بارے کسے نے نہیں سوچیا‘ اگلیاں سردیاں وچ گیس دا مسئلا آئے گا تے ایس توں اگلیاں سردیاں وچ گیس دا ہور مسئلا ساہمنے آئے گا۔وزیراعظم عمران خان دا کہنا اے کہ ماضی وچ با اثر طبقے نے نظام نُوں مفلوج کر کے ریاستی وسایل توں فایدا چُکیا۔

www.rvel.org