کابینا دی وڈی گنتی نے رائے نہیں دتی، وزیراعظم نوں آرمی چیف لاون دا اختیارنہیں، چیف جسٹس

اسلام آباد)رویل نیوز)سپریم کورٹ نے آرمی چیف جنرل قمر جاوید باجوا دی مدت ملازمت وچ توسیع داحکم بد ھ تیک معطل کرکے آ رمی چیف سنے سارے فر یقین نوں نو ٹس جا ری کر دتے۔سپریم کورٹ وچ آرمی چیف دی مدت ملازمت وچ توسیع دے خلاف درخواست دی سنوائی ہوئی۔درخواست گزار نے آرمی چیف دی مدت وچ توسیع دے خلاف درخواست واپس لین دی استدعا کیتی۔عدالت نے کیس واپس لین دی استدعارد کردیاں ہویاں آکھیا اے کہ کیس واپس لین لئی ہتھ دے نال لکھی درخواست دے نال کوئی بیان حلفی نہیں’پتا نہیں مقدماازادانہ طور تے واپس لیا جارہیا اے یا نہیں۔اٹارنی جنرل نے دسیا کہ 29 نومبر نوں آرمی چیف ریٹائرڈ ہو رہے نیں، ایہناں دی مدت ملازمت وچ توسیع دا نوٹیفکیشن صدر مملکت دی منظوری دے بعد جاری ہوچکیا اے۔چیف جسٹس نے آکھیا کہ صدر دی منظوری تے نوٹیفکیشن وکھاؤ۔ چیف جسٹس نے آکھیا اے کہ کابینا دی وڈی گنتی نے آرمی چیف دی توسیع بارے کوئی رائے نہیں دتی، وزیراعظم نوں آرمی چیف تعینات کرن دا اختیارنہیں،ایہ کیہ ہویا پہلاں وزیراعظم نے توسیع دا لیٹر جار ی کردتا فیر وزیراعظم نوں دسیا گیا توسیع تساں نہیں کرسکدے۔آرمی چیف دی توسیع دا نوٹیفکیشن 19 اگست دا اے، 19 اگست نوں نوٹیفکیشن ہویا تے وزیر اعظم نے کیہ 21 اگست نوں منظوری دتی۔نال ای عدالت نے آرمی چیف سنے سارے فریقین نوں نوٹسز جار ی کرکے کیس دی سنوائی ملتوی کردتی۔