پاکستان پنجابی ادبی بورڈ ولوں  پروفیسر ڈاکٹر دلشاد ٹوانا دے مُنڈے  تےوکیلا ں دے جسمانی تشددتے ات گردی خلاف احتجاج

لاہور (نمایندا رویل) پنجابی زبان دی اُستاد پروفیسر ڈاکٹر دلشاد ٹوانا ہوراں دے پُتراُ تے وکیلاں نے جسمانی تشدد کیتا۔ذرائع دے مطابق مُنڈے نے اپنی بیوی نوں طلاق دتی سی جس نے کجھ وکیلاں دے سنگ نال مُنڈے نوں عدالت دے کمرے وچ ای تشدد دا نشانا بنایا ۔ایس تشدد بارے پروفیسر ڈاکٹر دلشاد ٹوانا ہوراں نے سوشل میڈیا راہیں لوکائی نوں ایہ سبھ وارتا بارے دس پائی تاں جو گل سرکار تیکر اپڑ سکے پر سرکار نے حالے تیکر اکوئی کارروائی نہیں کیتی۔پاکستان پنجابی ادبی بورڈ ولوں پنجابی زبان دی ایس استاد تے اوہناں دے مُنڈے نوں حق دِوان لئی رَوس وکھالا کیتا گیا۔ ایس وکھالے وچ پنجابی لکھاریاں نے رلت کیتی تے سرکار ولوں انصاف دی منگ کردیاں کہیا کہ کیہ جج دے بوہے اگے وی ایس طرحاں دا ظلم لوکائی نال ہوندا رہوے گا ؟پروفیسر صاحبا نوں چھیتی توں چھیتی انصاف دتا جاوے تے عدالت ایس بارے خصوصی نوٹس لے کے ملزماں نوں سزا وی دیوے۔