ریا دے ریمانڈ وچ وادھا‘  اداکارا ریا چکرورتی ایس ویلے ممبئی دی بیکلا جیل وچ قید نیں۔۔۔٭رویل نیوز٭

ممبئی (نیوز ڈیسک) آنجہانی بھارتی ہیرو سشانت سنگھ راجپوت کیس وچ گرفتار سشانت سنگھ دی گرل فرینڈ ریا چکرورتی دے جوڈیشل ریمانڈ وچ وادھا کر دِتا گیا اے جد کہ ریا نُوں رہا کرن دا مطالبا وی زور پھڑ رہیا اے۔ بھارتی اخبار ”انڈیا ٹوڈے“ دے مطابق سشانت سنگھ راجپوت دے قتل تے منشیات دے استعمال دے الزاماں وچ گرفتار بھارتی اداکارا ریا چکرورتی دے جوڈیشل ریمانڈ وچ 20 اکتوبر تک وادھا کر دِتا گیا اے۔ نارکوٹکس کنٹرول بیورو ولوں گرفتار کیتی گئی ریا چکرورتی ایس ویلے ممبئی دی بیکلا جیل وچ قید نیں‘ ریا چکرورتی دے بھرا شویک چکرورتی وی سشانت سنگھ راجپوت نُوں منشیات فراہم کرن تے منشیات فروشاں دے نال رابطیاں دے الزام وچ گرفتار نیں۔