kraamaat@gmail.com
+ +92 333-430-6384
نمائندا رویل
October 07, 2020
لاہور (نیوز ڈیسک) قومی ٹیم دے ہیڈ کوچ تے چیف سلیکٹر مصباح الحق دا کہنا اے کہ زمبابوے دے خلاف سیریز لئی قومی ٹی 20 تے اِک دنا ٹیماں دا اعلان 19 اکتوبر نُوں کیتا جاوے گا۔ چیف سلیکٹر مصباح الحق قذافی سیڈیم لاہور پہنچے جتھے اوہناں نے سیکنڈ الیون ٹورنامنٹ دے میچز دا جایزا لیا۔ مصباح الحق نے میڈیا نال گلبات کردیاں ہویاں کہیا کہ زمبابوے دے خلاف سکواڈ دا اعلان 19اکتوبر نُوں ہون دا امکان اے‘ زمباوے نال ٹی 20‘ ون ڈے لئی 22 یاں 23 رکنی سکواڈ دا اعلان کراں گے۔ مصباح الحق نے کہیا کہ ملتان وچ اِک دنا انٹرا سکواڈ میچ دی منصوبا بندی کیتی اے‘ نیشنل ٹی 20 کپ فرسٹ‘ سیکنڈ الیون وچ کھڈاریاں دی کمکاری دا جایزا لینا چاہندے آں۔
