میں مکمل الجھن وچ آں،ایہ دُنیا سوچدی کُجھ اے تے بولدی کُجھ اے: نعمان اعجاز ۔۔۔٭رویل نیوز٭

لاہور (نیو ز ڈیسک) پاکستان دے سینئر اداکار نعمان اعجاز دا سوشل میڈیا اُتے جاری اپنے سنیہےوچ کہنا اے کہ ایہ دُنیا ایہو جہی اے کہ جہڑی سوچدی کُجھ ہور اے تے جدکہ بولدی ایہدے اُلٹ اے۔ سوشل میڈیا سائٹ انسٹا گرام اُتے نعمان اعجاز نے اپنی اِک نویں تصویر پوسٹ کیتی اے جہدے وچ اداکار نے کالے رنگ دے کپڑے پائے ہوئے نیں تے نظر نیویں کر کے تھلے ویکھ رہے نیں۔ نعمان اعجاز نے ہور لکھیا کہ ’میں مکمل طور اُتے اُلجھن وچ آں کہ آخر ایس دنیا دی حقیقت کیہ اے۔‘ اداکار نے ہور لکھیا کہ ’دُنیا دے چکر وچ اپنے آپ نُوں تبدیل نہ کرو‘ تہاڈی ذات جہو جہی اے اوہنوں اُنج دا ای رہن دوو کیوں جے لاعلمی اِک نعمت اے۔‘