ٹائیگرفورس ر وزانا آٹا‘ دال‘ کھنڈ‘ گھیو دا بھاء چیک کرے: وزیراعظم۔۔۔٭رویل نیوز٭

اسلام آباد (نمایندا رویل) وزیراعظم عمران خان نے ٹائیگر فورس نُوں ہدایت کیتی اے کہ اوہ اپنے علاقیاں وچ روزانا آٹا‘ دال‘ کھنڈ تے گھیو دیاں قیمتاں چیک کرے تے لوڑی دیاں شیواں دیاں قیمتاں روزانا ٹائیگر فورس پورٹل اُتے گھلن۔ سماجی رابطے دی ویب سائٹ ٹویٹر اُتے اپنی ٹویٹ و چ وزیراعظم عمران خان دا کہنا سی کہ اگلے ہفتے والے دن ٹائیگر فورس نال کنونشن سینٹر وچ ملاقات کراں گا‘ ایس دوران ٹائیگر فورس اپنے علاقیاں وچ روزانا آٹا‘ دال‘ کھنڈ تے گھیو دیاں قیمتاں چیک کرے۔ اوہناں نے کہیا کہ ٹائیگر فورس دے رضا کار لوڑ دیاں شیواں دیاں قیمتاں روزانا ٹائیگر فورس پورٹل اُتے گھلن۔‘ ایہناں شیواں دیاں قیمتاں دے معاملے اُتے گل ہفتے والے دن ہون ولی ملاقات وچ کراں گے۔