ملک وچ کرونا ودھن دے واضح اشارے مل نیں: اسد عمر۔۔۔٭رویل نیوز٭

اسلام آباد (نیوز ڈیسک) وفاقی وزیر ترقی تے منصوبا بندی تے نیشنل کمانڈ اینڈ اپریشن سینٹرل دے چیئرمین اسد عمر نے کہیا اے کہ ملک وچ کرونا وایرس دے ودھن واضح اشارے ملے نیں تے پچھلے دن ملک وچ 2.37 فیصد کیسز مثبت آئے جہڑے 50 دن وچ سبھ توں ودھ مثبت شرح اے‘ ایس او پیز اُتے عمل کرو دوجی صورت سانوں پابندیاں لانیاں پے سکدیاں نیں۔ اپنے اِک بیان وچ اسد عمر نے کہیا کہ پچھلے دن ملک وچ کووڈ کیسز دی مثبت شرح 2.37 فیصد سی جہڑی 50 دن توں بُہتے دے عرصے وچ سبھ توں ودھ مثبت شرح اے تے آخری وار 23 اگست نُوں ایہ شرح ویکھی گئی سی۔ اوہناں نے کہیا کہ چالو ہفتے دے ابتدائی 4 دن وچ کرونا وایرس نال اوسطن مَوتاں یومیا 11 رہیاں۔