ڈالر نوں جان بُجھ کے سستا رکھیا گیا،دیس نوں معاشی نقصان اپڑایا گیا:عبدالحفیظ شیخ۔۔۔٭رویل نیوز٭

لاہور (نیوز ڈیسک) مشیر خزانا عبدالحفیظ شیخ نے کہیا اے کہ ڈالر نُوں سستا رکھ کے ملکی معیشت نُوں نقصان پہنچایا گیا‘ اسیں ٹیکس کلیکشن وچ بہتری لیائے تے کرنٹ اکاؤنٹ کسار ے نُوں گھٹ کیتا۔ جمعرات والے دن مشیر خزانا عبدالحفیظ شیخ نے لاہور و چ تقریب نال خطاب کردیاں ہویاں کہیا کہ سانوں معاشی اوکڑاں وراثت وچ ملیاں نیں پر ہُن معیشت دی بہتری لئی اقدامات کیتے جا رہے نیں۔ اوہناں نے کہیا کہ اسیں عالمی مالیاتی ادارے (آئی ایم ایف) دے کول مجبوری دے تحت گئے تے ایس گل توں وی انکار نہیں کہ معیشت دی بہتری لئی مشکل فیصلے کیتے۔ اسیں 5 ہزار ارب رُپئے قرض دی صورت وچ واپس کرنے سن۔ مشیر خزانا نے کہیا کہ ماضی وچ ڈالر نُوں جان بُجھ کے سستا رکھیا گیا جہدی وجھا توں ساڈی معیشت نُوں نقصان ہویا۔ ڈالر سستا ہویا ت ساڈے ملک وچ انگور توں لے کے ٹوتھ پیسٹ تک باہروں منگوانا شروع ہوء۔ ماضی وچ ڈالر سستا کر کے ایہدا فایدا دوجے ملکاں نُوں پہنچایاگیا اسیں سرمایا کاری توں لے کے صنعتی زون تک مختلف موقعیاں وچ نجی شعبے نُوں ترجیح دِتی تے حکومتی اخراجات نُوں محدود کیتا گیا جد کہ اسیں مختلف شیواں اُتے ٹیکس نُوں وی ختم کیتا ساڈیاں معاشی پالیسیاں دی تعریف کیتی گئی اے‘ اسیں ٹیکس کلیکشن وچ بہتری لیائے تے کرنٹ اکاؤنٹ کسارے نُوں وی گھٹ کیتا۔