kraamaat@gmail.com
+ +92 333-430-6384
نمائندا رویل
October 20, 2020
ممبئی (نیوز ڈیسک) کینسر ورگے خطرناک روگ دا شکار ہالی ووڈ اداکار سنجے دت دی زندگی بارے افواہاں گردش کر رہیاں نیں کہ اوہناں دے کول بہت گھٹ دن رہ گئے یں جہدے اُتے اوہناں دے خاندانی وسیلیاں نے وضاحت کیتی اے۔ چالو سال اگست وچ 61 سالا اداکار سنجے دت نُوں پھیپھڑیاں دے کینسر دی تشخیص ہوئی سی جہدے بعد اوہناں نے اداکاری توں بریک لے کے اپنا علاج کروان دا اعلان کیتا سی۔ بھارتی میڈیا رپورٹاں مطابق سنجے دت دے حوالے توں خبراں گردش کر رہیاں نیں کہ سنجے دت د کو 6 مہینے یاں کجھ مہینے دا ویلا رہ گیا اے۔ سنجے دت نُوں پھیپھڑیاں دے کینسر دے تشخیص ہوئی سی جہدا علاج ممبئی وچ شروع ہویا۔ اوہناں دا علاج بہت چنگا چل رہیا اے۔ سنجے دت دے خاندانی وسیلیاں دے مطابق سنجے دت پچھلے دن ٹیسٹ لئے گئے سن جہدے بہت چنگے نتیجے ساہمنے آئے نیں‘ خدا دی مہربانی تے سارے لوکاں دیاں دُعاواں نال اوہناں دا علاج بہت چنگا چل رہیا اے۔
