کرونا نا ل موتاں وچ  اِک سو چالھی فیصد وادھا:اسد عمر ۔۔۔٭رویل نیوز٭

اسلام آباد (نیوز ڈیسک) وفاقی وزیر منصوبا بندی اسد عمر نے کہیا اے کہ کرونا وباء نال مَوتاں دی شرح کجھ ہفتیاں دے دوران 140 فیصد ودھ گئی‘ اسیں کرونا دے سارے ایس او پیز نُوں نظر انداز کر کے غلطی دے مرتکب ہو رہے آں۔ ٹویٹر بیان وچ وفاقی وزیر نے کہیا کہ پچھلے ہفتے کرونا نال یومیا مَو تاں دی گنتی 12 رہی‘ کرونا وباء نال مَوتاں دی شرح کجھ ہفتے پہلے دے مقابلے وچ 140 فیصدبُہتی اے۔ اوہناں نے کہیا کہ اسیں موجودا راہ تبدیل نہیں کراں گے تے زندگی تے معاش توں محروم ہو جاواں گے‘ کرونا ایس او پیز نُوں نظر انداز کرن دے نتیجے ظاہر ہو رہے نیں۔ دوجے پاسے عالمی وباء کرونا وایرس کارن پاکستان وچ ہور 14 بندے چلانا کر چکے نیں تے مرن والیاں دی مجموعی گنتی 6 ہزار 673 ہو گئی اے۔ نیشنل کمانڈ اینڈ اپریشن سینٹر دے مطابق پچھلے 24 گھنٹیاں وچ کرونا دے 625 نویں کیسز رپورٹ ہوئے جہدے بعد مجموعی گنتی 3 لکھ 24 ہزار 84 تک پہنچ چکی اے۔ پاکستان وچ کرونا دے 9 ہزار 461 روگی علاج ہیٹھ نیں تے 3 لکھ 950 صحتیاب ہو گئے نیں۔