کیپٹن صفدر دی گرفتاری اُتے معز ز عدلیا نُوں نوٹس لینا چاہیدا اے:نواز شریف۔۔۔٭رویل نیوز٭

لندن (نیوز ڈیسک) مسلم لیگ (ن) دے قائد نواز شریف نے کراچی وچ اپنے جوائی کیپٹن ریٹائرڈ محمد صفدر نُوں مشکوک حالات وچ گرفتار کرن دے کجھ دن بعد عدلیا توں معاملے دا نوٹس لین دی اپیل کر دِتی۔ سٹین ہوپ ہاؤس دے باہر صحافیاں نال گلبات کردیاں ہویاں کہ ملک وچ بہت کجھ ہو رہیا اے‘ کیپٹن صفدر دی گرفتاری اُتے معز ز عدلیا نُوں نوٹس لینا چاہیدا اے تے اوہ ایس طرحاں دے اقدامات دے خلاف از خُد نوٹس لین دی اہلیت رکھدے نیں۔ اوہناں نے کہیا کہ ایہ اقدامات خالص غصے تے انتقام دا نتیجا نیں کیوں جے میں ایہناں ریاست دے اُتے ریاست دیاں پالیسیاں دے بارے وچ سچ بول رہیا آں۔ جتھے ایہناں پالیسیاں نال پاکستان نُوں نقصان پہنچیا اے۔ اوہناں نے سندھ پولیس ولوں کیتے گئے احتجاج دی تعریف کیتی جہدے و چ اسٹیبلشمنٹ نے ایس معاملے وچ کارروائی کیتی سی۔دوجے پاسے پاکستان مسلم لیگ ن دی نائب صدر مریم نواز نے جمعرات والے دن لندن وچ اپنے والد نوا ز شریف نال ٹیلی فونک رابطا کیتا۔ دَسیا گیا اے کہ دوہاں پیو دھی دے وچکار مختلف سیاسی امور دے حوالے توں مشاورت کیتی گئی۔ ٹیلی فونک گلبات وچ پچھلے وزیراعظم نواز شریف نُوں وطن واپس لیان لئی حکومت ولوں لکھے گئے خط دے مندرجات اُتے وچار وٹاندرا کیتا گیا۔ ایہ وی دَسیا گیا اے کہ پچھلے وزیراعظم نواز شریف نے اپنی دھی مریم نواز نُوں اپوزیشن نال رابطیاں وچ تیزی لیان دیاں ہدایتاں رکدیاں ہویاں حکومت اُتے ہور دباء ودھان دیاں ہدایتاں جاری کیتیاں۔ گلبات وچ پچھلے وزیراعظم نے 25 اکتوبر نُوں کوئٹہ وچ ہون والے پی ڈی ایم دے جلسے وچ مریم نواز نُوں اوہناں دے خطاب دے حوالے توں نکاتی مشورے دِتے‘ پچھلے وزیراعظم نے مریم نواز نُوں مشورا دِتا اے کہ اوہ اپنے خطاب و چ لیگی آگوواں دے خلاف درج مقدمیاں‘ مہنگائی تے ووٹ نُوں عزت دو دے بیانیے اُتے گلبات کرن۔