ایتوار نُوں کوئٹہ جلسے وچ دہشتگردی دا خطرا اے: لیاقت شاہوانی۔۔۔٭رویل نیوز٭

کوئٹہ (نیوز ڈیسک) بلوچستان حکومت نے اپوزیشن جماعتاں دے ایکے پاکستان ڈیمو کریٹک موومنٹ (پی ڈی ایم) توں 25 اکتوبر کوئٹہ دا جلسا ملتوی کرن دی اپیل کیتی اے۔ ترجمان بلوچستان حکومت لیاقت شاہوانی نے کوئٹہ وچ میڈیا نال گلبات کردیاں ہویاں کہیا کہ ایتوار نُوں کوئٹہ جلسے وچ دہشتگردی دا خطرا اے‘ نیشنل کاؤنٹر ٹیررازم اتھارٹی (نیکٹا) ولوں سیکیورٹی الرٹ جاری کیتا گیا اے جہنوں بلوچستان حکومت نے سنجیدگی نال لیا اے‘ پچھلے دن سیکیورٹی فورساں نے دھماکا خیز مواد وی برآمد کیتا اے۔ ترجمان بلوچستان سرکار نے کہیا کہ اپوزیشن جماعتاں نُوں حملے دے انتباہ نُوں سنجیدگی نال لینا چاہیدا اے تے سیکیورٹی دھرکوواں اُتے ذمے داری دا ثبوت دینا چاہیدا اے۔