پچھلیاں حکمران پارٹیاں پی ٹی آئی حکومت دیاں سہولت کار نیں: امیر جماعت اسلامی سراج الحق۔۔۔٭رویل نیوز٭

پشاور (نمایندا رویل) امیر جماعت اسلامی پاکستان سینیٹر سراج الحق نے کہیا اے کہ کل تک وزیراعظم قوم نُوں ریاست مدینہ دے خاب وکھا رہے سن تے اج کہندے نیں کہ میں پاکستان وچ چائنا دا نظام لیانا چاہندا آں۔ پاکستان چینی‘ امریکی یاں برطانوی نظام لئی نہیں‘ اسلامی نظام لئی بنیا اے۔ وزیراعظم چین‘ امریکا یاں جتھے جانا چاہندے نیں چلے جان‘ پاکستان دی جان چھڈ دین۔ حکمرانی بچیاں دا نہیں‘ سنجیدا لوکاں دا کم اے۔ وزیراعظم دی سونامی بدنامی بن کے لنگھ گئی‘ ہُن ایہناں دے خلاف عوامی سونامی آئے گا۔ سونامی توں لوک شیطان وانگوں پناہ منگدے نیں۔ سونامی دی وجھا توں مہنگائی تے تباہی اے تے ہر شے مہنگی ہو گئی اے۔ پیپلز پارٹی تے ن لیگ ہر مشکل وچ حکومت دے نال کھلوتے رہے۔ دوہاں پچھلیاں حکمران پارٹیاں پی ٹی آئی حکومت دیاں سہولت کار نیں۔ فیٹ دے کہن اُتے مسیتاں تے مدرسیاں دے خلاف قوانین بنان وچ دوہاں پارٹیاں نے حکوم دا ساتھ دِتا۔ایہناں د وچکار پالیسیاں اُتے اختلاف نہیں‘ اسٹیبلشمنٹ دے فیڈر اُتے لڑائی اے۔ جماعت اسلامی ظلم تے جبر تے استحصال دے ایس نظام نُوں بدلنا چاہندیا ے۔ اسیں ملک وچ قرآن و سنت دا نظام تے حقیقی جمہورییت دا قیام چاہندے ں‘ اسیں اپنیاں آن والیاں نسلاں لئی محفوظ پاکستان چاہندے آں۔ پی ٹی آئی نے قومی اداریاں نُوں متنازع بنایا۔ لوکائی دے صبر دا پیمانا لبریز ہو گیا اے۔ ہُن اسلام آباد ول مارچ دا ویلا نیڑے آ گیا اے۔ سٹیٹس کو دے نظام نُوں بدلنا اے۔ جدوں جماعت اسلامی دھرنا دیوے گی تے مطالبات دی منظوری تک واپس نہیں آئے گی۔ ایہناں خیالاں دا اظہار اوہناں نے باجوڑ وچ مہنگائی تے بیروزگاری دے خلاف تحریک دے پہلے جلسے نال خطاب کردیاں ہویاں کیتا۔