جوبائیڈن نے ٹرمپ نُوں روسی صدر دا کُتا مِتھ دِتا،ٹرمپ صدارت نُوں وی ریئلٹی شو وانگوں چلا رہے نیں: اوباما۔۔۔٭رویل نیوز٭

واشنگٹن (نیٹ نیوز) امریکا دیاں صدارتی چوناں لئی ڈیمو کریٹکس امیدوار جوبائیڈن نے اپنے ریپبلکن حریف ڈونلڈ ٹرمپ نُوں روسی صدر دا کتا متھ دِتا۔ مشی گن وچ انتخابی ریلی نال خطاب کردیاں ہویاں جوبائیڈن دا کہنا سی کہ ٹرمپ لوکائی نُوں وڈی گنتی وچ ووٹ پان توں نہیں روک سکدے‘ لوکائی جمہوریت واپس لے کے رہوے گی‘ ٹرمپ نُوں بوریا بستر گول کر کے گھر جانا پوے گا۔ ڈیمو کریٹک امیدوار جوبائیڈن دا کہنا سی کہ کرونا اوسے ویلے جاوے گا جدوں ٹرمپ گھر جان گے‘ ٹرمپ نُوں چاہیدا سی کہ اوہ روس دے صدر نُوں چیلنج کردے پر ٹرمپ روسی صدر دا کتا بنے ہوئے نیں۔ ریلی دے رلتیاں نال پچھلے صدر اوباما نے وی خطاب کیتا اوہناں نے کہیا کہ ٹرمپ صدارت نُوں وی ریئلٹی شو وانگوں چلا رہے نیں۔