راجن پور نیڑے کارروائی‘ القاعد ا دے 5 دہشتگرد گرفتار۔۔۔٭رویل نیوز٭

راجن پور (نیوز ڈیسک) حساس اداریاں تے کاؤنٹر ٹیررازم ڈیپارٹمنٹ نے راجن پور دے نیڑے کارروائی کردیاں ہویاں کالعدم تنظیم القاعدا دے 5 دہشتگرداں نُوں گرفتار کر لیا اے۔ وسیلیاں مطابق کالعدم تنظیم دے ارکان خلاف ایہ کارروائی خُفیا اطلاعواں اُتے کیتی گئی۔ کارروائی دے دوران کالعدم تنظیم دے کجھ رکن فرار ہون وچ کامیاب ہو گئے جہناں دی کھوج دا عمل تیز کر دِتا گیا اے۔ کارروائی دے دوران اسلحا تے بارود وی برآمد ہویا۔ انٹیلی جنس وسیلیاں دے مطابق دہشتگرداں دے قبضے توں کلاشنکوف‘ ہینڈ گرنیڈ‘ خُد کش جیکٹاں تے ہور بارودی سامان برآمد کیتا گیا۔ دہشتگرد اپنا نیٹ ورک بلوچستان توں راجن پور منتقل کر رہے سن۔ سی ٹی ڈی حکام نے دَسیا کہ دہشتگرد جنوبی پنجاب وچ دہشگردی دا منصوبا بنا رہے سن۔ دہشتگرداں دی پچھان اعجاز علی خان‘ سگیر احتشام‘ جابر احتشام‘ انور خان تے کامران زاہد دے ناں نال ہوئی اے۔