دنیا بھر وچ کرسمس دیاں تیاریاں شروع‘ وایٹ ہاوس وچ کرسمس ٹری اَپڑا دِتا گیا

واشنگٹن(نیٹ نیوز)دنیا بھر وچ کرسمس دیاں تیاریاں جاری نیں۔ وایٹ ہاوس وچ 16 فٹ لما کرسمس ٹری اپڑا دِتا گیا۔ میلانیا ٹرمپ نے استقبال کیتا۔ امریکی صدر تے اوہدی گھر والیا دے صدارتی محل وچ کرسمس ٹری اپڑان دی روایتی تقریب ہوئی۔ 16 فٹ لمے کرسمس ٹری نوں بگھی اُتے وایٹ ہاوس لیاندا گیا جتھے میلانیا ٹرمپ نے کرسمس ٹری دا استقبال کیتا۔ ایس ٹری نوں وایٹ ہاوس وچ کرسمس دے دن سجایا جاوے گا۔ امریکی صدارتی محل دی جھِل مِل کردیاں روشنیاں‘ برقی قمقمیاں تے سنہری ستاریاں نال کم وی جاری اے۔