گردشی قرضے وچ گھاٹے دی منگ،بجلی دے بھاء وچ وادھا،عالمی بینک ای پاکستان حکام نال مذاکرات کر رہیا____٭رویل نیوز٭

اسلام آباد(نیوز ڈیسک) آئی ایم ایف نے پاکستان توں تونائی دے شعبے دے گردشی قرضے وچ 1 ہزار ارب رُپئے دی گھاٹ دا مطالبا کردیاں ہویاں بجلی ہور مہنگی کرن دا اشارا دے دِتا اے۔ میڈیا رپورٹ مطابق آئی ایم ایف نے گردشی قرضیاں وچ کمی لیان دا مطالبا عالمی بینک راہیں حکومت پاکستان توں کیتا اے تے آئی ایم ایف دا کہنا اے کہ گردشی قرضے بارے معاملات اُتے عالمی بینک ای پاکستان حکام نال مذاکرات کر رہیا اے۔ رپورٹ مطابق آئی ایم ایف نے مطالبا کیتا اے کہ گردشی قرضے وچ کمی لیان لئی ایہدی ادائیگی لئی بجلی دے بھاء وچ ہور وادھا کیتا جاوے یاں دوجے آپشن دے تحت حکومت پاکستان گردشی قرض دی مد وچ 1000 ہزار رُپئے اپنے وسایل توں ادا کرے۔ رپورٹ دے مطابق آئی ایم ایف حکام نے مؤقف اپنایا اے کہ ایس ادائیگی توں پہلاں آئی ایم ایف دے نال پروگرام شروع کرن دا کوئی امکان نہیں اے۔ وسیلیا ں مطابق پاکستان دے توانائی دے شعبے دے گردشی قرض دا حجم ایس ویلے 2 ہزار 266 ارب رُپئے اے۔ دوجے پاسیحکومت پاکستان نے عالمی وباء کرونا وایرس نال نبڑن لئی ایشیائی ترقیاتی بینک (اے ڈی بی) دے نال 2 ملین ڈالر گرانٹ دا معاہدا کیتا اے۔ سیکریٹری اقتصادی امور تے ایشیائی ترقیاتی بینک حکام نے معاہدے اُتے دستخط کر دِتے نیں۔ ایشیائی ترقیاتی بینک گرانٹ کرونا ایمرجنسی رسپانس پروگرام دے تحت دیوے گا۔ گرانٹ ہیلتھ ورکرز دی تربیت تے بائیو سیفٹی لیپ دے قیام لئی استعمال ہووے گی۔ معاہدے دے بعد سیکریٹری اقتصادی امور نے کہیا کہ ایشیائی ترقیاتی بینک ولوں گرانٹ دے مشکور آں۔ کنٹری ڈائریکٹر اے ڈی بی نے کہیا کہ انسداد کرونا لئی حکومت پاکستان دے اقدامات تعریف دے قابل نیں۔