کرونا وچ وادھا: قومی اسمبلی سیکریٹریٹ دے دفتراں نُوں 3 دن لئی بند کرن دا فیصلا۔۔۔٭رویل نیوز٭

اسلام آباد (نیوز ڈیسک) ملک وچ کرونا وایرس دے ودھدے ہوئے کیسز کارن قومی اسمبلی دیاں ساریاں سرگرمیاں معطل کر دِتیاں گئیاں نیں جد کہ کرونا وایرس دے ممکنا کھلار نُوں روکن لئی قومی اسمبلی سیکریٹریٹ دے دفتراں نُوں 3 دن لئی بند کرن دا فیصلا کر لیا گیا اے‘ قومی اسمبلی سیکریٹریٹ دے شعبا انتظامیا ولوں جاری ہون والے نوٹیفکیشن دے مطابق کرونا وایرس دی دوجی لہر وچ شدت دے کارن قومی اسمبلی دی قائما‘ پبلک اکاؤنٹس تے خصوصی کمیٹیاں دے 9 نومبر تک ہون والے سارے اجلاس منسوخ کر دِتے گئے نیں جد کہ قومی اسمبلی سیکرٹریٹ دے سارے دفتراں نُوں 6 نومبر 2020 تک بند رکھیا جاوے گا۔ ایس دوران پارلیمنٹ ہاؤس نُوں سی ڈی اے جراثیم کش دوائیاں نال ڈس انفیکٹ کرے گی۔