پی ڈی ایم دا 13 دسمبر دا جلسا لاہور د تواریخ وچ بے مثال تے فیصلا کن ہوو گا: را ثناء اللہ۔۔۔٭رویل نیوز٭

لاہور (این ایل آئی) مسلم لیگ (ن) پنجاب دے صدر را ثناء اللہ نے کہیا اے کہ 13 دسمبر نُوں پی ڈی ایم دا مینار پاکستان اُتے ہون والا جلسا تواریخی تے فیصلا کن ہووے گا۔ اسلام آباد دا رُخ کرن دا حتمی فیصلا پی ڈی ایم قیادت کرے گی‘ جلسا نا اہل تے نالایق حکمران ٹولے دے خلاف ریفرنڈم ہووے گا۔ پارلیمنٹ حملا کیس وچ استغاثا نے عمران خان نُوں غلط تے زبردستی بَری کروایا‘ استغاثا توں پُچھیا جاوے 6 سال لوکائی دا ویلا کیوں ضایع کیتا گیا؟ چیف جسٹس پاکستان ایس معاملے دا نوٹس لین۔ نواز ریف اپنا تے حکمران ٹولے دے علاج معالجے دے بعد وطن واپس آن گے۔ مرکزی سیکریٹریٹ لاہور وچ پریس کانفرنس کردیاں ہویاں رانا ثناء اللہ نے کہیا کہ 13 دسمبر نُوں پی ڈی ایم جلسا مینار پاکستان اُتے ہووے گا‘ پرویز ملک دی اگوائی وچ کمیٹی تشکیل دے دِتی گئی اے‘ جہدے وچ پارٹی عہدیداران تے ارکان قومی تے صوبائی اسمبلی شامل نیں۔ پی ڈی ایم دا 13 دسمبر دا جلسا لاہور د تواریخ وچ بے مثال تے فیصلا کن ہوو گا‘ ایہ جلسا موجودا حکومت خلاف ریفرنڈم ہووے گا‘ 13 دسمبر نُوں ثابت ہووے گا کہ لاہور جاگ گیا اے‘ ایہدے بعد پورا پاکستان جاگے گا‘ اسلام آباد جان والے ساڈے قافلے وچ شامل بندیاں دی گنتی 10 لکھ توں بُہتی ہووے گی‘ جہدے کارن پی ڈی ایم اپنے مقصد وچ کامیاب ہو کے واپس پرتے گی‘ ماضی وچ وزیراعظم عمران خان نے کہیا سی 10 لکھ لوک لے کے اسلام آباد داخل ہوواں گا‘ پر جے عمران خان 5 لکھ بندے وی لے جاندے تے شاید کامیاب ہوجاندے۔ رانا ثناء اللہ دا کہنا سی کہ پارلیمنٹ حملا کیس وچ استغاثا نے عمران خان نُوں غلط بَری کروایا‘ استغاثا توں پُچھیا جاوے 6 سال لوکائی دا ویلا کیوں ضایع کیتا گیا؟ اوہ 6 سال توں سو رہے سن؟ 6 سال بعد ایہناں نُوں خیال آیا کہ عدلیا دا ویلا ضایع ہو رہیا اے‘ کیہ ایہناں نے اپنے کزن طاہر القادری نال رَل کے پارلیمنٹ اُتے دھاوا نہیں بولیا‘ کیہ عدلیا دے باہر گِلیاں شلواراں نہیں لمکائیاں گئیاں تے پراسیکیوشن عدالت وچ جھوٹھ بول رہے نیں کہ وزیراعظم خلاف ایہو جہیا کوئی ثبوت ای نہیں اے‘ ایہناں دا سارا فوکس اپوزیشن خلاف انتقامی کارروائی اُتے اے‘ ایہ کہندے نیں کہ اسیں ساری اپوزیشن نُوں جیلاں وچ سُٹ دیے‘ یعنی کہ ’سُنجیاں ہون گلیاں تے وچ مرزا یا پھرے‘۔ اسیں چیف جسٹس پاکستان توں مطالبا کردے آں کہ اوہ ایس معاملے دا نوٹس لین‘ نوٹس نہ لیا گیا تے 2 ہفتے بعد سپریم کورٹ دے باہر پُرامن تے خاموش احتجاج کیتا جاوے گا جد کہ سپریم کورٹ بار تے پاکستان بار کونسل وچ یادداشت جمع کراواں گے۔