زیبا بختیار دا 58 واں جمن دیہاڑ کل منایا جاوے گا۔۔۔٭رویل نیوز٭

جہانیاں (نمایندا رویل) نامور پاکستانی اداکار زیبا بختیار دا 58 واں جمن دیہاڑ 5 نومبر جمعرات نُوں منایا جاوے گا۔ 5 نومبر 1962 نُوں کوئٹہ وچ پیدا ہون والی زیبا بختیار نے اپنے فنی کیرئیر دا اغاز پی ٹی وی دے ڈراما ”انار کلی“ نال کیتا جد کہ بھارتی فلم ”حنا“ وچ مرکزی کردار ادا کرکے فلمی دنیا وچ قدم رکھیا‘ ایہناں نُوں پاکستانی فلم ’سرگم‘ وچ بہترین پرفارمنس پیش کرن اُتے ایوارڈ نال وی نوازیا گیا‘ ایس فلم وچ اوہناں دے مدمقابل ہیرو عدنان سمیع سن‘ ایس دوران اوہناں دی محبت پروان چڑھی تے زیبا نے معروف سنگر عدنان سمیع نال ویاہ کر لیا جہدے نال اوہ میڈیا دی توجا حاصل کرن وچ کامیاب ہو گئے بعد وچ اوہناں دے وچکار علیحدگی ہو گئی۔