جاوید اختر نے کنگنا رناوت خلاف مقدما کر دِتا،اداکارا بے بنیاد تبصرے کیتے ساکھ نُوں نقصان پہنچایا گیا: جاوید۔۔۔٭رویل نیوز٭

ممبئی (نیٹ نیوز) معروف بھارتی شاعر تے نغما نگار جاوید اختر نے اداکارا کنگنا رناوت دے خلاف ہتک عزت دا مقدما دایر کر دِتا۔ بھارتی میڈیا دی رپورٹ دے مطابق جاوید اختر نے ممبئی دی اِک عدالت وچ بالی ووڈ کوئن دے خلاف بے بنیاد الزامات لان اُتے مقدما دایر کیتا۔ اپنی درخاست وچ جاوید اختر نے مؤقف اختیار کیتا کہ اداکارا نے اوہناں دے خلاف بے بنیاد تبصرے کیتے جہناں نے اوہناں دی ساکھ نُوں نقصان پہنچایا۔ واضح رہوے کہ آنجہانی اداکار سشانت راجپوت دی مَوت نے بالی ووڈ وچ منشیات دے استعمال تے ایہدے وچ موجود ڈرگ مافیا دی قلعی کھول کے رکھ دِتی سی۔ ایس حوالے توں کنگنا نے وی کئیاں اُتے الزامات لائے سن۔