معیشت وچ بہتری دے حکومتی دعوے فریب اے: سراج الحق۔۔۔٭رویل نیوز٭

لاہور (نمایندا رویل) امیر جماعت اسلامی پاکستان سینیٹر سراج الحق نے کہیا اے کہ معیشت وچ بہتری دے حکومتی دعوے فریب‘ زمینی حقایق دی نفی کردے نیں‘ مزدور چو نکاں اُتے بیٹھے نیں تے لنگر خانیاں دے باہر لمیاں لایناں اُنج دیاں اُنج نیں۔ حفیظ شیخ پی پی دے دور وچ وی انج ای دعوے کرد ے ہوندے سن۔ جے حالات بہتر نیں تے آئی ایم ایف دے بوہے اُتے سجدے کرن دی کیہ ضرورت اے۔ امریکا وچ ٹرمپ رہے یاں جوبائیڈن آئے‘ پاکستان لئی کجھ بدلن والا نہیں۔ استعماری طاقتاں افغانستان توں نکل جان۔ پاکستان نُوں سودی معیشت یاں اسلامی نظام وِچوں اِک دا انتخاب کرنا پوے گا۔ اسلام ملکاں نے حالے تک فرانس ولوں شعائر اسلام تے حضور نبی کریمؐ دی توہین دے معاملے اُتے کوئی واضح تے جاندار موقف نہیں دِتا۔