kraamaat@gmail.com
+ +92 333-430-6384


پیاز دی کاشت ایس مہینے دے اخیر تیکرکیتی جا سکدی اے: ۔۔۔٭رویل نیوز٭


نمائندا رویل November 12, 2020


لاہور (نیوز ڈیسک) زرعی ماہرنے معتدل تے خشک موسم نوں پیاز دی ودھیری پیداوار لین لئی مناسب مِتھدے ہویاں آکھیا اے پئی ایس مہینے دے اخیر تیکر ایہدی کاشت کرنامناسب اے۔ڈاکٹر وقار علی گل دی دَسنی مطابق پیاز اُتے کورے دا اثر گھٹ ای پیندا اے‘ ایس لئی ایہدا کن (پنیری) پیلی وچ دسمبر تے جنوری وچ منتقل کیتا جا سکدا اے۔ اک کلے اُتے پیاز لئی پنیری تیار کرنی ہووے تاں 3 کلو بیج تے 4مرلے زمین دی لوڑ ہوندی اے۔ پیاز دا پیج لان توں بعد ایہنوں پرالی/سرکڑے نال کج دیو۔ فوارے نال سنچائی کرو تاں جے پَیلی وچ پانی نہ کھلووے تے وتر وی قایم رہوے۔ جے پنیری لاگے کیڑیاں دا گھر ہووے تاں اوہناں دا مُکا وی ضروری اے۔ کھیت وچ نرسری بدلن توں کجھ دن پہلاں پانی روک دیو تاں جے نرسری سخت جان ہو جاوے۔ پینری دی منتقلی توں اک دن بعد مناسب جڑی بوٹی مار سپرے وی کرنا مناسب اے۔