مایا علی ”پہلی سی محبت“ راہیں ٹی وی اُتے دُبارا واپسی کر رہے نیں۔۔۔٭رویل نیوز٭

لاہور (نمایندا رویل) نامور اداکارا مایا علی اپنی ای اداکاری ویکھ کے رو ن لگ پئے۔ سوشل میڈیا اُتے اِک ویڈیو وائرل ہو گئی جہدے وچ اداکارا مایا علی رو رہے نیں۔ مایا علی ڈراما سیریل ’پہلی سی محبت“ راہیں ٹی وی اُتے دُباراواپسی کر رہے نیں۔ اوہ کافی عرصے توں چھوٹی سکرین توں دور سن۔ ایسے ڈرامے دا اِک سین موبائل فون اُتے ویکھدیاں ہویاں مایا علی اینے بُہتے جذباتی ہو گئے کہ اوہناں دیاں اکھاں بھر آئیاں۔ ڈراما سیریل ”پہلی سی محبت“ وچ شہریار منور مایا علی دے مقابلے مرکزی کردار ادا کر رہے نیں۔ واضح رہوے کہ مایا علی دا شمار پاکستان شوبز دیاں صف اول دیاں اداکاراواں وچ ہوندا اے۔ اوہناں نے کئی ہٹ ڈرامیاں دے نال فلماں وچ وی کم کیتا اے۔