اداکارا مِیرا نے ٹیلی فلم ”میم صاحب“ اُتے کم دا مُڈھ بنھ دِتا۔۔۔٭رویل نیوز٭

لاہور (نمایندا رویل) اداکارا میرا نے ٹیلی فلم ”میم صاحب“ اُتے کم دا اغاز کر دِتا‘ اوہ ٹیلی فلم دی پیشکش دین گے۔ اوہناں نے اپنے انسٹا گرام پیج اُتے اِک ویڈیو شیئر کیتی جہدے وچ اوہ سکرپٹ رائٹر سورج دے نال بیٹھے وکھائی دے رہے نیں۔ فلمسٹار میرا نے کہیا کہ حالے شوبز دے میدان وچ میریاں کامیابیاں دا سفر جاری اے تے جدوں میں سمجھاں گی کہ میں اپنی منزل تک پہنچ گئی آں تے میں آپ ای شوبز توں کنارا کشی اختیار کر لواں گی۔ اوہناں نے کہیا کہ میرے کول فلماں دی پیشکش موجود اے‘ جہڑا سکرپٹ چنگا لگدا اے اوہدے وچ کردار نبھان دی حامی بھر کے لگن نال کم کردی آں۔ میں فلماں دی گنتی دی بجائے ہمیشا معیار نُوں ترجیح دِتی اے تے ایہو وجھا اے کہ میریاں ساریاں فلماں نے ریلیز دے بعد ضرور ہلچل مچائی اے۔