مہینا وار ”پکھیرو“ بالاں واسطے سجریاں لکھتاں لیایا،دسمبر 2020 دے رسالے وچ دلچسپ لکھتاں نوں شامل کیتا گیا اے۔۔۔٭رویل٭

پنجابی زبان وادب دی ودھوتری لئی ضروری اے کہ بالاں دے ادب ول وی اُچیچا دھیان دتا جاوے ایس کھیتر وچ اشرف سہیل ہوریں لمے چر توں مہینا وار ”پکھیرو“ راہیں اپنا بھرواں کردار ادا کر رہے نیں۔دسمبر2020دا رسالا پہلیاں تاریخاں وچ ای ساہمنے آ گیا اے ایہدے وچ بالاں واسطے ون سونیاں لکھتاں شامل کیتیاں گیاں نیں ہمایوں پرویز شاہد دی لکھی حمد تے صادق شاہین دی لکھی نعت توں وکھ جسبیر بھلر ”جادوئی رُکھ“،ڈاکٹر ذاکر حسین دی لکھت ”ابو خان دی بکری“اشرف سہیل دی ”گوانڈھی“پرم بیر کور ”دیوے دی روشنی“،صادق شاہین دی ”پنجابی ماہیے“سہیل قیصر ہاشمی دے ناول ”اُلٹا رُکھ“ دی ناویں قسط،نزہت عباس دا ڈاکٹر مبارک علی دی لکھت دا ترجما ”تہذیب دی کہانی،ڈاکٹر ڈی پی سنگھ دی لکھت ”دلدل‘[ گرمیت کڑیالوی دی ”سلطان شیر شاہ سُوری توں وکھ فرہاد علی اعوان،امرپریت سنگھ،عقیل شافی دی شاعری تے بالاں دی دلچسپی واسطے ہور وی بہت کجھ اے۔ایس انک دے کُل صفحے 80تے مُل50روپے اے۔