شاہ رخ نے امریکا وچ وی کرکٹ ٹیم خرید لئی۔ ٹیم دا ناں لاس اینجلس نائٹ رائیڈرز۔۔۔٭رویل نیوز٭

لاہور (اُچیچا نمایندا) بالی ووڈدے مشہور اداکار شاہ رخ خان نے امریکا وچ اِک نویں کرکٹ لیگ وچ لاس اینجلس دی فرنچائز خرید لئی اے تے اوہناں نے ایہدا ناں لاس اینجلس نائٹ رائیڈرز رکھیا اے۔ اِک انٹرویو وچ شاہ رخ خا ن نے کہیا کہ کجھ ویلے توں نائٹ رائیڈرز فرنچائز نُوں عالمی سطح اُتے ودھان دا موقع لبھ رہیا سی ایسے کوشش وچ اوہ امریکا وچ شروع ہون والی ٹی 20 لیگ دے منعقدین دے نال رابطے وچ سن۔ کنگ خان دا کہنا سی کہ دنیا وچ جتھے کدھرے کوئی وڈی کرکٹ لیگ ہووے گی اوتھے اوہ سرمایا کاری کرن دے موقعے لبھن گے۔ ایس نویں کرکٹ لیگ نُوں امریکا وچ چھیتی ای لانچ کیتا جاوے گا۔ میڈیا رپورٹاں مطابق ایس لیگ وچ 6 ٹیماں سین فرانسیکو‘ واشنگٹن ڈی سی‘ شیکاگو‘ ڈلا‘ نیو یارک تے لاس اینجلس رلت کرن گیاں۔