استعفیاں دے معاملے اُتے قایم،عوامی دباؤ  وچ کوئی وی پارٹی ہُن پچھے نہیں ہٹے گی:رانا ثناء اللہ۔۔۔٭رویل نیوز٭

فیصل آباد (نیوز ڈیسک) رانا ثناء اللہ نے کہیا اے کہ پیپلز پارٹی استعفیاں دے معاملے اُتے پوری طرحاں قایم اے۔ عوامی دباؤ وچ میرا نہیں خیال کوئی وی پارٹی ہُن پچھے ہٹے گی۔ فیصل آباد وچ میڈیا نال گلبات کردیاں ہویاں اوہناں دا کہنا سی کہ جلسا روکنا نہیں تے فیر ٹینٹ تے لائٹنگ والیاں نُوں کیوں پھڑیا جا رہیا اے۔ ایہ جلسا روکن لئی پورا زور لا رہے نیں۔ رانا ثناء اللہ نے کہیا کہ ڈھائی سال وچ ہر شے دا بیڑا غرق ہو گیا اے۔ حکومت نہیں چل رہی‘ ایہنوں گھر جانا پوے گا۔ جلسے تے عوامی پریشر نال حکومت جاوے گی۔ وبائی صورتحال اُتے گل کردیاں ہویاں اوہناں دا کہنا سی کہ کرونا مرضی نال آیا تے مرضی نال اُتے گیا‘ کرونا دے حوالے توں حکومت دی کوئی پالیسی نہیں اے‘ کسے وی تھاں کرونا ایس او پیز اُتے عمل نہیں ہو رہیا اے۔ اوہناں دا کہنا سی کہ مداخلت دے بغیر الیکشن کمیشن شفاف الیکشن کروا سکدا اے۔ 31 دسمبر تک انشاء اللہ سبھ استعفے دین گے۔