مولانا تے مریم جو چاہندے نیں اوہ نہیں ہووے گا: فواد چودھری۔۔۔٭رویل نیوز٭

اسلام آباد (نمایندا رویل) وفاقی وزیر سائنس و ٹیکنالوجی فواد چودھری کہندے نیں کہ مولانا فضل الرحمان تے مریم نوا ز جو چاہندے نیں اوہ نہیں ہووے گا۔ سماجی رابطیاں دی ویب سائٹ ٹویٹر اُتے اپنے ٹویٹ وچ فواد چودھری نے کہیا کہ اوہناں دی سپیکر قومی اسمبلی نال گل ہوئی‘ اوہناں دے مطابق استعفے صرف میڈیا اُتے ای چل رہے نیں‘ اِک وی رکن اسمبلی نے اسمبلی سیکرٹریٹ نُوں استعفا نہیں گھلیا۔ وفاقی وزیر دا کہنا سی کہ مولانا فضل الرحمان تے مریم بی بی جو چاہندے نیں اوہ نہیں ہونا‘ تلخیاں گھٹ کرن دی ضرورت اے‘ مسئلا جلسیاں نال نہیں سمجھ نال حل ہونا اے۔