پی ڈی ایم لوکاں دیاں زندگیاں نال کھیڈ رہی اے پر لاہوریاں نے اپوزیشن نُوں رَد کر دِتا:وزیراعظم عمران خان۔۔۔٭رویل نیوز٭

اسلام آباد (نیوز ڈیسک) وزیراعظم عمران خان نے کہیا اے کہ پی ڈی ایم دا بیانیا اپنی مَوت آپ مر گیا‘ پی ڈی ایم نے جلسا کر کے لوکاں دیاں زندگیاں نُوں خطرے وچ پایا‘ پر ایہ جنے مرضی جلسے کر لین این آر او نہیں ملے گا۔ تفصیلات دے مطابق وزیراعظم عمران خان دی صدارت ہیٹھ پارٹی آگوواں دا اجلاس ہویا جہدے وچ گلبات کردیاں ہویاں اوہناں نے کہیا کہ این آر او لئی پی ڈی ایم آگوواں نے کل جلسا کیتا تے پی ڈی ایم نے جلسے راہیں بلیک میل کرن دی کوشش کیتی۔ دَسیا گیا اے کہ اجلاس وچ وزیراعظم ولوں پی ڈی ایم جلسے تے ملکی سیاسی صورتحال اُتے مشاورت کیتی گئی‘ ایس دوران وزیراعظم نے پارٹی آگوواں نُوں حکومتی پالیسی توں اگاہ کیتا تے پارٹی آگوواں نُوں متحرک ہون دی ہدایت کیتی تے کہیا کہ ہر فورم اُتے اپوزیشن نُوں جواب دین۔ وسیلیاں دے مطابق پارٹی آگوواں نے اجلاس وچ اپنیاں تجویزاں پیش کیتیاں جد کہ پارٹی آگوواں دا ایہدے اُتے اتفاق ہویا کہ پی ڈی ایم لوکاں دیاں زندگیاں نال کھیڈ رہی اے پر لاہوریاں نے اپوزیشن نُوں رَد کر دِتا۔ وزیراعظم عمران خان دا ہور کہنا سی کہ لاہور جلسے دے بعد پاکستان ڈیمو کریٹک موومنٹ وچ شامل جماعتاں بے نقاب ہو گئیاں۔ وزیراعظم نے کہیا کہ لوکائی دے ساہمنے جعلی بیانیے دی مکمل حقیت آ چکی اے۔ وسیلیاں دے مطابق اجلاس وچ پارٹی آگوواں دا کہنا سی کہ استعفیاں دے معاملے اُتے پوری پی ڈی ایم کنیفوژن دا شکار اے۔ لاہور جلسے و چ مداخلت نہ کرن دا حکومتی فیصلا درست سی۔ پارٹی آگوواں دا کہنا سی پی ڈی ایم کنیفوژن دا شکار اے۔ لاہور جلسے وچ مداخلت نہ کرن دا حکومتی فیصلا درست سی۔ پارٹی آگوواں دا کہنا سی کہ گلگت بلتستان اسمبلی دیاں چوناں تے جلسیاں وچ ناکامی دے بعد پی ڈی ایم بیانیا دَم توڑ چُکیا اے۔