پی ڈی ایم دا جتھا کرونا وچ وادھا چاہندا اے: فردوس  عاشق اعوان۔۔۔٭رویل نیوز٭

لاہور (نمایندا رویل) وزیر اعلا پنجاب دی معاون خصوصی برائے اطلاعات فردوس عاشق اعوان نے کہیا اے کہ پی ڈی ایم دا 11 جماعتاں دا جتھا کرونا وباء وچ وادھا چاہندا اے۔ غیر فطری ایکا منی لانڈرنگ دی دولت بچان لئی گھٹیا حرکتاں اُتے اُتر آیا اے۔ اپوزیشن عناصر عقل دے انھے نیں‘ ایہناں نُوں کرونا دی تشویشناک صورتحال دا ادراک نہیں۔ جاتی امراء دی جعلی راجکماری تے کنیزاں رو رو کے ہلکان ہو رہیاں نیں۔ ایس ٹولے دی قسمت وچ رونا لکھیا ہویا اے۔ اپنے بیان وچ اوہناں نے کہیا کہ 24 گھنٹیاں دے دوران پنجاب وچ 31 روگی کرونا نال واصل ہوئے‘ کرونا دے نویں روگیاں دی گنتی 686 اے۔ لاہور وچ روگیاں دی گنتی تقریبن 62 ہزار 85 ہو چکی اے۔