انگین التان (ارطغرل غازی)  نے وی "لاہور لاہور اے"دا نعرا لا دِتا: ۔۔۔٭رویل نیوز٭

لاہور (نیوز ڈیسک) پاکستان دے دورے اُتے آئے ترک اداکار انگین التان المعروف ”ارطغرل غازی“ نے لاہور دا مشہور تے معروف ”لاہور لاہور اے“ دا نعرا لا کے لاہوریاں دے دل جت لئے۔ لاہور وچ پریس کانفرنس کردیاں ہویاں انگین التان نے کہیا کہ لاہوریاں دی محبت زبردست اے‘ لاہور لاہور اے۔ ترک اداکار نے کہیا کہ پاکستانی کھانے بہت مزیدار نیں پر مرچاں بہت زیادا سن۔ اوہناں نے ایہ وی کہیا کہ پاکستان دی سیر کرنا چاہندا آں پر ویلے دی کمی کارن کدھرے نہیں جا سکیا‘ پاکستان خوبصورت ملک اے۔ اوہناں نے ہور کہیا کہ جے چنگی کہانی ملی تے پاکستانی ڈرامیاں وچ ضرور کم کراں گا جد کہ وزیراعظم عمران خان ولوں ارطغرل غازی دی تعریف میرے لئی اعزاز اے۔