اُصول پرستی ۔۔۔٭رویل شاعری٭

کئی ورھیاں توں

عجب کیفیت

بے چینی تے لاچاری اے

ہر لمحاپت جھڑ دا موسم

انج لگدا اے

جیویں کسے نے

سانوں اک اشارے اتے

زورا زوری روکیا ہویا

دل زوراں نال دھڑکی جاندا

کد اشارا سبز ہووے تے

دوویں پیر میں سر تے رکھ کے

نسدا جاواں

لیکن پچھلے کئی ورھیاں توں

کج کرن دا بھانبڑ ودھدا مچدا جاوے

ہن تے رات وی ڈھل چکی اے

جے اشارا سبز وی ہویا

تے ٹھیڈے کھا مرجاواں گے

فیصلے ویلے سر نہ کیتے

سو جنماں تک پچھتاواں گے

٭٭٭٭٭