kraamaat@gmail.com
+ +92 333-430-6384


پورے ملک وچ پچھلے 24 گھنٹیاں دے دوران کرونا وباء نال ہور 80 بندے چلانا کر گئے۔۔۔٭رویل نیوز٭


نمائندا رویل December 23, 2020


اسلام آباد (نمایندا رویل) پورے ملک وچ پچھلے 24 گھنٹیاں دے دوران کرونا وباء نال ہور 80 بندے چلانا کر گئے۔ نیشنل کمانڈ اینڈ اپریشن سینٹر (این سی او سی) ولوں جاری کردا آنکڑیاں دے مطابق پورے ملک وچ پچھلے 24 گھنٹیاں دے دوران کرونا وباء دے ہور 1704 کیسز رپورٹ جد کہ 80 چلانا کر گئے۔ پورے ملک وچ کرونا وایرس دے فعال کیساں دی گنتی 40 ہزار 261 ہو گئی اے جد کہ ہُن تک 9 ہزار 474 مَوتاں ہوئیاں۔ پچھلے 24 گھنٹیاں دے دوران 34 ہزار594 کرونا ٹیسٹ کیتے گئے‘ پورے ملک وچ ہُن تک 63 لکھ 70 ہزار 707 کرونا ٹیسٹ کیتے جا چکے نیں‘ پاکستان وچ کرونا وایرس دے روگیاں دی گنتی 4 لکھ60 ہزار 672 ہو گئی‘ صحتیاب ہون والیاں دی گنتی 4 لکھ 10 ہزار 937 اے۔ این سی او سی دے مطابق سندھ وچ 2 لکھ 5 ہزار 484‘ پنجاب 1 لکھ 32 ہزار 526 کیسز‘ خیبر پختونخوا 55 ہزار 450‘ بلوچستان وچ 17 ہزار 950 کیسز‘ اسلام آباد 36 ہزار 416‘ گلگت بلتستان وچ 4 ہزار 831 کیسز رپورٹ ہوئے۔